पोर्न साइटमा गणित पढाएर बर्षको २ करोड कमाउँछन् यी शिक्षक

काठमाडौँ । उनि हुन् अनलाइन शिक्षामा क्रान्तिकारी परिवर्तन ल्याउने ताइवानी गणित शिक्षक चाङ सु । वयस्क सामग्री हेर्ने युवाहरुको जमात रहेको प्लेटफर्म पोर्नहबमा चाङ सुले गणितका गार्हो हिसाब पनि सजिलै बुझिने गरि पढाएर भिडियोहरू अपलोड गर्छन् ।

लगभग ३ मिलियन भ्यूहरू र १३ हजार भन्दा बढी सदस्यहरू रहेका उनको changshumath666 नामक पोर्नहब आइडीबाट उनले प्रति वर्ष २ करोड भारु कमाउने गरेका छन् । उनको पोर्नहब च्यानल क्याल्कुलसका आधारभूत कुराहरू बुझ्न र खोज्न धेरै विद्यार्थीहरूको मुख्य गन्तव्य बनेको छ ।

चाङ सु मास्टर डिग्री र १५ वर्षको शिक्षण अनुभवका साथ एक अनुभवी गणित शिक्षक हुन् । उनले सुरुमा आफुले गणित बिषय पढाएका भिडियोहरु यूटुबमा अपलोड गरे तर त्यहाँ दर्शकको राम्रो साथ नपाएपछि उनले आफ्नो प्लेटफर्ममा विविधता ल्याउने निर्णय गरे । मे २०२० बाट उनले अनौठो मार्केटिङ रणनीति प्रयोग गर्दै पोर्नहबमा आफुले गणितको क्याल्कुलस पढाएको भिडियोहरु अपलोड गर्न थाले ।

पोर्नहबमा भने उनले पढाएको कुराहरु धेरैले रुचाउन थाले । अहिले पोर्नहबमा उनले निःशुल्क पढाएका कोर्सहरु पत्ता लगाउने धेरै विद्यार्थीहरूले उनको सशुल्क कोर्सहरूमा पनि भर्ना भएका छन् । प्रत्येक भिडियोमा उनि खैरो हुडी र चश्मा लगाएर सधै एकै पहिरनमा देखिन्छन् भने उनले पढाउने ठाउँ र हरियो रंगको बोर्ड पनि सधै एउटै नै हुन्छ ।

उनि भन्छन्, ”वयस्क भिडियो प्लेटफर्महरूमा धेरै थोरै मानिसहरूले गणित पढाउँछन्, र त्यहाँ धेरै मानिसहरूले भिडियोहरू हेर्छन् । मैले सोचे कि यदि मैले मेरो भिडियोहरू त्यहाँ अपलोड गरें भने, धेरै मानिसहरूले उक्त भिडिओ हेर्ने छन् ।”

यो खबर पढेर तपाईलाई कस्तो महसुस भयो ?