काठमाडौं । तपाईंले काठमाडौं आउँदा वा काठमाडौंबाट कतै जाँदा नागढुंगामा यो घर त देख्नुनै भएको होला । नागढुंगाको बाँदर लड्ने भिरमा रहेको यो भित्ते घर ११ वर्ष लगाएर २ करोड लगानीमा बनाइएको हो । आफ्नो पैतृक सम्पति र काठमाडौंको जग्गा जमीन बेचेर राम राजा सिंह प्रधानले नागढुंगाको जंगलमा एस्तो अनौठो घर बनाएका हुन् ।
५ वर्ष अगाडी सामाजिक संजालमा निक्कै नै भाइरल भएको यो घरमा १३ वटा तला रहेका छन् । भित्तामा टासिएको हुनाले घर पूर्ण प्राकृतिक घर रहेको छ । उक्त घर बनाउने क्रममा कुनै पनि रुख काटिएको छैन रुखहरु घर भित्रै छन् । उक्त घर भित्र एउटा पोखरी पनि छ जहाँ माछा पनि रहेको घरधनीले बताएका थिए ।
उक्त घरबाट नागढुंगा काठमाडौँ सडक खण्ड र त्यहाँ गुडिरहेका गाडीहरु सर्लक्कै देख्न सकिन्छ भने अन्य मनोरम दृश्यहरु पनि देख्न सकिन्छ ।
उहाको परिवार सबै यहि नै बस्ने गर्नुहुन्छ र यहि पकाएर खानुहुन्छ । यो घरमा ७ पटक चोरी भएको र २५ लाख बराबरका मुल्यवान सामानहरु चोरी भएको घरधनीले बताएका छन् ।
तस्बिरमा हेर्नुहोस् के के छन् उक्त घर भित्र:
के छ अहिले उक्त घरको अस्वथा ?
उक्त घरका मालिक २०७६ साल मै हराएको खबर आएको थियो त्यसपछि भेटिनु भयो कि छैन भन्ने एकिन भएको छैन । तर यो घरमा अहिले कोही पनि बस्ने गरेका छैनन् र घर पुरै खाली नै छ ।
घरको अवस्था बाटोको धुलोले र घाम पानीले गर्दा नाजुक भइसकेको छ भने अहिले सामाजिक संजाल टिकटक तिर यो घरलाई भुतिया घर भन्दै मजाक समेत गर्ने गरेको देखिन्छ ।
यो खबर पढेर तपाईलाई कस्तो महसुस भयो ?
